zaterdag 4 oktober 2014

Pizzeg



t is triest dat
elke dag d'eerste 
pagina's van t dagblad 
vergrèld- en 
verbolgenhaid oproupen
mit berichten over oorlog
en geweld

en dat pas noa 
artikeln over mafkezen en 
psychisch gesteurden 
t eren van adolphe sax 
deur manneken pis
t eerste nijs is dat
wat pozitiefs vermeldt


eltje ©

dinsdag 12 augustus 2014

zondag 10 november 2013

Òfwegens

de man kikt
deurdringend in d'ogen
van de vraauw tegenover
dij ain en aal zenen
poestend en stìnnend
talloze zoaken verkloart
verkregen gegevens
worden digitoal verwaarkt
en n laptop brengt
noa n leste drok
op enter d'uutslag
definitief in koart
onder t mom van
bedainen op moat
en persoonleke aandacht
wordt de levensloop
blootlegd en ligt de noadrok
op t beheersen van kosten
verlainde mantelzörg
deur buren of femilie
wordt uutruild
tegen n traplift
of steunkouzen
en aandere posten
t recht is verdrongen
deur intakegevallen
en de puutholder is ain
mit de beoordailoar
de terugtredende overhaid
komt ain nait tegemuide
en t welwezen weegt din
wellicht minder zwoar
eltje ©